*قصة جميييييلة* 😍♥️🍃
..انا مدرس …ادرس طلاب المرحله الابتدائيه …
حنون
وقلبي طيب مو مدح بنفسي بس انا من النوع اللي اعشق الاطفال وعلشان كذا كان حلمي اكون مدرس ادرسهم واعلمهم واختلط بعالمهم الجميل البرىء ….وطبعا انا ادرس الصف الاول الابتدائي وخبركم هالعمر جدا حساس وبكاي خصوصا اول السنه لانهم مو متعودين على اجواء المدرسه …وكان عندي طالب صغير جميل جدا جدا سبحان الذي خلقه فصوره …شعره كستنائي وعيونه ذهبيه …طبعا هالطالب مميز بين اقرانه بالشكل يعني ملفت بالنظر بين اسمرار بقيه الطلاب …وكان جدا فصيح وشجاع وكلامه واسلوبه يشهد ان المرأه اللي ربته انسانه من أعقل واحكم النساء …بعطكيم مثال …هالطفل بسميه خالد …خالد هذا ماشاء الله على الرغم من صغر سنه الا انه حافظ ثلاث اجزاء من القران الكريم …وبعد حافظ عدد لابأس به من الاحاديث النبويه …وذكي جدا وماعمره بكى مثل بقيه طلاب الصف الاول …طبعا هو الوحيد اللي كان يدوام بدون ولي امر ..وبعد التفحص والسؤال عن حاله اتضح لي انه يتيم الاب والام …تفاجأت جدا جدا …طيب مين علمه كل هاالامور …وفين عايش !!! ومين يوصله يوميا للمدرسه …قتلني الفضول لمعرفه مين هي مربيه هذا الطفل الشامخ …في يوم من الايام واثناء الفسحه ناديته لمكتبي علشان اسولف معه واعرف اكثر عن حياته بحكم انه يتيم كنت احس بالحنان والعطف تجاهه …وهو الصغيرون ماقصر علمني بكل شيء يخص حياتهم وان خالته هي اللي ربته من يوم كان صغير لان امه وابوه توفو بحادث رحمه الله عليهم …سألته خالتك الان كم تبلغ من العمر .. جاوبني انها مازلت بالجامعه
استغربت كنت احسبها كبيره بالعمر ماتوقعتها بهالعمر الصغير واحسنت بل تفوقت بتربيه هالطفل …قال لي خالتي كل يوم قبل ماانام تقول لي سر ….قلت له وايش هالسر ؟؟؟ قال لي السر مايصلح يطلع بين شخصين …وهو يتكلم لاحظت دمعه بعيونه …قلت اووووه لهدرجه السر مهم وماينقال قول يابابا واوعدك مااعلم احد .. قال لي خالتي محلفتني ماقول لحد وقعد يمسح دموعه وانا جلست اواسيه واشتريت له من المقصف و مااخفيكم ان صابني ذهول وفضول لمعرفه هالسر اللي ابكي طفل عمره مايتجاوز ست سنين . …والله منظره ماغاب من مخي ثانيه واحده لدرجه اني متعود ماتفوتني القيلوله كل يوم الا اني ذاك اليوم ماقدرت انام ولا اغفى ..صوره الطفل ودموعه وسره مو غايبه عن بالي … باليوم الثاني ترقبت الطفل ولقيته يلعب مع اصحابه ناديته عندي وطلعت له هديه صغيره مغريه قلت له هذا هديتك بس بشرط مااعطيك ياها الا اذا قلت لي السر المهم رفض يخبرني شيء مع انه كان طاير ومبسوط بالهديه بس رفض ياخذها علشان مايعلمني بالسر . كنت حاس ان هالسر شيء كبير وقلبي دليلي بهالامور .. قلت له طيب انت حافظ رقم جوال خاله ..قال لي لا ..قلت خلاص يصير خير وعطيته الهديه وانا بالي مشغول …المهم مر اسبوع وبعد هالاسبوع هالطفل تغيب يوم يومين ثلاث ..اسبوع وماله حس ولا خبر …رحت للمرشد سألتهم عن الطالب قالو لي انهم اتصلو على جده وقال لهم عندهم حاله وفاه …قلبي طاح من الخبر حسيت كنهم اهلي لدرجه اخذت العنوان وطرت بسيارتي لبيتهم وفعلا دخلت وسلمت على الجد وعزيته وانا كنت متوقع ان الجده هي اللي متوفيه لكني حزنت بشده لما عرفت ان الخاله الصغيره الجامعيه هي اللي توفت الله يرحمها كان معها سرطان ….قعدت ادور عن الطفل كان ودي اضمه واخذه بحضني لقيته جالس بكل براءه وهاديء جدا . استغربت حاله معقوله مايدري ان خالته توفت معقوله محد قاله …سلمت عليه وجلست جنبه وماقدرت انطق بكلمه كان حاله محزني بقوه …لانه فقد ابويه وهاللحين فقد خالته اللي ربته .. مادريت الا وانا امسح دموعي بطرف شماغي قال لي ياأستاذ لاتبكي خالتي اصلا بالجنه ….
قلت باستغراب وشو قال لي ايه هذا السر ياستاذ اللي ماقدرت اقوله لك كل يوم قبل مانام خالتي كانت تقول لي انا رايحه الجنه لاتبكي علي ياخالد الجنه حلوه فيها كل شيء حلو ليش نبكي على الناس اللي يروحون لها لازم نكون مبسوطين علشانهم علشان كذا انا مبسوط ومابكيت على خالتي لانها بالجنه …. يالله ياناس كلماته البريئه جدا جدا جدا اثرت فيني لدرجه البكاء ….مااعظم هالطفل ومااعظم كلماته …لامس عواطفي بقوه قوه تفاؤله …
طبعا من ذاك اليوم وانا اعتبر هالطفل ولدي اللي ماخلفته …يوميا اوصله واخذه للمدرسه وهو اللحين وصل للصف السادس الابتدائي وقريب بيتخرج ويترك المدرسه واحس بحزن بقلبي لان خلاص راح نفترق ماعاد بشوفه يوميا …دعواتكم لخالته الله يرحمها ولوالديه ودعواتكم لهالولد اللي اتوقع له شأن عظيم بالمستقبل
قصه تحكي عن اهمية زراعة القيم لدى الاطفال ومدى تاثيرها وتاصيلها في نفوسهم خصوصا قبل النوم ✨
